![](https://dainikmandu.com/wp-content/uploads/2023/08/20230811_120646_0000.png)
काठमाडौं । बाराको पुरातात्विक,सांस्कृतिक तथा धार्मिक र ऐतिहासिक महत्वको सिम्रौनगढलाई विश्व सम्पदा सूचिमा सूचिकृत गर्न सरकारसँग माग गरिएको छ । आईटी आर्मीका बारा जिल्ला इन्चार्ज सनि गुप्ताको नेतृत्व मा गएको सिम्रौनगढका युवाहरुले पुरातत्व विभागका महानिर्देशक सौभाग्य प्रधानाङ्ग लाई विश्व सम्पदा सुचीमा सुचीकृतको माग गर्दै ज्ञापनपत्र बुझाएको हो ।
ज्ञापनपत्रमा , “हजारौं वर्ष अगाडि सिम्रौनगढ एउटा शशक्त शासन प्रशासनको केन्द्र (राजधानी) समेत रहेको विषय ईतिहासका पानाहरुमा उल्लेख छ । यस क्षेत्रमा पाउने अनगिनत पुरातात्विक संरचना र तीनका भगनावशेषहरु तथा धर्तीको गर्भभित्र समाहित रहस्यहरु यस अमूल्य सम्पदाका जीवित प्रमाणहरू हुन् ।” उल्लेख गरिएको छ ।
केहि दिन अगाडि मात्रै साउन २० गतेको सिमरौनगढमा बाटोखन्दा डढेको चामलको भणडार भेटिएको थियो । यसअघि पनि बाराको सिमरौनगढमा पोखरी खन्ने क्रममा भगवान ब्रह्माको मूर्ति फेला परेको छ।
उक्त ज्ञापनपत्र बुझाउने क्रममा आइटी आर्मीका राष्ट्रिय अध्यक्ष चन्द्रभुषण साह ,नबिन साह,रन्जन कुशवाहा,रौशन कुशवाहा,चुनु साह,निकेश दास ,बिनायक राज पान्डे,राजेश मल्ल,मन्जित मल्ल,अर्बिन्द कुशवाहा,रितेश कुशवाहा,बिक्रान्त कुशवाहा लगायतको उपस्थिति रहेको थियो ।
![](https://dainikmandu.com/wp-content/uploads/2023/08/received_1369597250655717-724x1024.jpeg)